Headlines

ಕಣ್ಣುತೆರೆಸಿದ ಜವನೆರ್ ಬೆದ್ರ ಸಂಘಟನೆ * ಯೋಧರ ಮನೆಯಲ್ಲಿ ಬೆಳಗಿದ ದೀಪ! * ಯಶಸ್ವೀ 36ನೇವಾರ ಪೂರೈಸಿದ ಕ್ಲೀನ್ ಅಪ್ ಮೂಡಬಿದಿರೆ * ರಾಜ್ಯಮಟ್ಟದ ಬಾಲ್ ಬ್ಯಾಡ್ಮಿಂಟನ್ ಪಂದ್ಯಾಟ ಆರಂಭ * ಅಳಿಯೂರಿನಲ್ಲಿ ಮೇಳೈಸಲಿದೆ ಕ್ರೀಡಾಹಬ್ಬ.! * ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಯ್ತು ಹಳ್ಳಿ ಹುಡುಗರ ಅನ್ವೇಷಣೆ! * ಶಿರ್ಲಾಲು: ಹೊಸ ಶಾಸನ ಪತ್ತೆ * ಸಾವಿರ ಕಂಬದ ಬಸದಿಯ ಸ್ವಚ್ಛತೆ * ಪುರಸಭೆಯ ಕಣ್ಣುತೆರೆಸಿದ ಜವನೆರ್ ಬೆದ್ರ! * ಪುರಸಭೆಗೆ ಸಾರ್ವಜನಿಕರಿಂದ ಹಿಡಿಶಾಪ * ಕಾರ್ಯಾಂಗ,ನ್ಯಾಯಾಂಗ,ಶಾಸಕಾಂಗದ ವೈಫಲ್ಯದ ವಿರುದ್ಧ ಹೋರಾಟ: ಸುದರ್ಶನ್ * ಬೆಸ್ಟ್ ಡ್ರಾಮೇಬಾಜ್ ಖ್ಯಾತಿಯ ಶ್ರೀಶ ಬೆಂಗಳೂರು ಅವರಿಗೆ ಗೌರವ ಸನ್ಮಾನ * ಮಾನವೀಯ ಸ್ಪಂದನೆ ಆಗಲೇಬೇಕಾಗಿದೆ… * 33ನೇ ವಾರ ಪೂರೈಸಿದ ಜವನೆರ್ ಬೆದ್ರದ ಸಾಧನೆ * ಆಧುನಿಕತೆಯಿಂದ ಆಶಾದಾಯಕ ಸ್ಥಿತಿ ಬಂದೊದಗಿದೆ: ಹರೀಶ್ ಶೆಣೈ * ಮೂಡಬಿದಿರೆಯಲ್ಲಿ ಸದ್ಭಾವನಾ ಗೋಷ್ಠಿ * ಭಾರತೀಯ ಜನತಾ ಪಾರ್ಟಿಯಿಂದ ಸ್ವಚ್ಛತೆಯ ಮಂತ್ರ * ಬಸದಿಗಳ ಬೀಡಲ್ಲಿ ಬಸದಿಗಳ ಸ್ವಚ್ಛತೆ * ಕಂಬಳಸಮಿತಿ ಸಭೆ * 30ನೇವಾರದ ಕ್ಲೀನ್ ಅಪ್ ಮೂಡಬಿದಿರೆ *

“ವ್ಯವಹಾರವಾಯಿತೇ ವಿವಾಹ ಸಂಸ್ಕಾರ”

#indian#wedding#culture

ಸ್ಟೂಡೆಂಟ್ ರಿಪೋರ್ಟ್ : ಅಂಕಣ

ಮದುವೆಯ  ಈ ಬಂಧಾ…ಅನುರಾಗದ ಅನುಬಂಧ…ಹೌದು ಮದುವೆಯೆಂದರೆ ಹಾಗೆ. ಅದೊಂದು ಜೀವನದ ಪ್ರಮುಖ ಅಂಗವೂ ಹೌದು. ಯೋಗ್ಯ ವಯಸ್ಸಿನಲ್ಲಿ ಯೋಗ್ಯ ಪುರಷ/ಕನ್ಯೆ ವಿವಾಹ ಬಂಧನಕ್ಕೆ ಒಳಗಾಗಲೇ ಬೇಕು. ಹಾಗಾದರೆ ಮಾತ್ರ ಮನುಷ್ಯ ಜೀವನದಲ್ಲಿ ಒಂದು ಸಾರ್ಥಕ್ಯತೆಯನ್ನು ಅನುಭವಿಸಿದಂತಾಗುತ್ತದೆ. ವಿವಾಹಕ್ಕೆ ತನ್ನದೇ ಆದಂತಹ ಪ್ರಮುಖ ಮೌಲ್ಯವನ್ನು ಭಾರತೀಯ ಜೀವನ ಪದ್ಧತಿಯಲ್ಲಿ ನೀಡಲಾಗಿದೆ. ಮಾಂಗಲ್ಯ ಎಂಬ ವಿಚಾರ ಮಂಗಳಕರವಾದುದು ಎಂದರ್ಥ ನೀಡುತ್ತದೆ.
‘ವಿವಾಹ’ ಗಂಡು ಹೆಣ್ಣಿನ ಜೀವನದ ತಿರುವಿನ ಹಂತವಾಗಿದ್ದು, ಮುತ್ತೈದೆಗೆ ಮಾಂಗಲ್ಯದ ಸಂಕೇತವಾಗಿದೆ. ಪಂಚ ಶಕ್ತಿಗಳ ಸಾಕ್ಷಿಯಾದ ಮಾಂಗಲ್ಯಕ್ಕೆ ಇಂದು ವ್ಯವಹಾರದ ಪ್ರಭಾವ ಕಾಣುತ್ತಿರುವುದು ಸೋಜಿಗದ ವಿಚಾರ. “ಹೂವಿನ ಮಕರಂದವನ್ನು ಜೇನು ನೊಣ ಹೀರುವಂತೆ ವಿವಾಹದ ಸಂಸ್ಕಾರವನ್ನು ವ್ಯವಹಾರಗಳು ಆಕ್ರಮಿಸುತ್ತಿದೆ”.

Special-Indian-Wedding-Traditions
ಭಾರತೀಯ ಸಂಸ್ಕೃತಿ ವರ್ಣಿಸಲಾಗದ ವೇದಾಂತ, ಆಚಾರ ವಿಚಾರಗಳ ಅಧ್ಯಾಯವನ್ನೊಳಗೊಂಡಿದೆ. ಹೌದು ಭಾರತೀಯ ಸಂಸ್ಕೃತಿಯನ್ನು ವರ್ಣಿಸಲು ಸಾಧ್ಯವಿಲ್ಲ. ಮದುವೆ ಎಂದರೆ ಗಂಡು ಹೆಣ್ಣಿನ ಸಾಮರಸ್ಯ ಜೀವನದ ಆರಂಭ. ಮನೆಯ ಅಂದಕ್ಕೊಂದು ಚಪ್ಪರ, ಹಿರಿಯರ ಸೋಬಾನೆ ಹಾಡುಗಳು,ಬಂಧು ಬಳಗ ಗಳೊಂದಿಗೆ ಸಡಗರ ಸಂಭ್ರಮದಿಂದ ನಡೆಯುವುದೇ ಮದುವೆ. ಇಂತಹ ಮದುವೆಗಳು ಹಿಂದಿನ  ಕಾಲದಲ್ಲಿ ಮೌಲ್ಯಯುತವಾಗಿ ನಡೆಯುತ್ತಿದ್ದವು. ಆದರೆ ಇಂದು ಕಾಲ ಬದಲಾಗಿದೆ.  ಮದುವೆಯ ತಿರುಳನ್ನೇ ಮರೆತ ಸಮಾಜ ಇಂದು ವ್ಯವಹಾರದ ಕೂಪಕ್ಕೆ ತಳ್ಳುತ್ತಿದ್ದಾರೆ. ಸಾಲವಾಗಿಯಾದರೂ ವರದಕ್ಷಿಣೆಯನ್ನು ನೀಡಿ ವಧು ವರರ ಅನ್ಯೋನ್ಯ  ಮದುವೆಯ ಬಂಧಕ್ಕೆ ವ್ಯವಹಾರಿಕ ಪಟ್ಟವನ್ನು ಕಟ್ಟುತ್ತಿದ್ದಾರೆ.

ವಿವಾಹ ಎಂಬುದು ಕಪಟ ಮುಖವಾಡದ ಹಿಂದಿನ ಅಸಲಿಯತ್ತಿನ ದರುಶನನೀಡುವ ಅದೆಷ್ಟೋ ಉದಾಹರಣೆಗಳು ನಮ್ಮ ಸಮಾಜದಲ್ಲಿ ಕಾಣಸಿಗುತ್ತಿವೆ. ಮದುವೆಯೆಂದರೆ ಆಡಂಬರ,ಅಬ್ಬರಗಳಿಗೆ ವೇದಿಕೆಯಾಗಿ ಪರಿಣಮಿಸತೊಡಗಿದೆ. ಮಂಗಳ  ಸೂತ್ರವು ಗ್ರಾಂಗಳ ಹಾಗೇ ಚಿನ್ನದ ಸರವಾಗುತ್ತಿದೆ. ಆರತಕ್ಷತೆ, ಮದರಂಗಿ, ಸಪ್ತಪದಿ, ಮಾಂಗಲ್ಯಧಾರಣೆ, ಹೋಮಹವನಗಳು ಆಡಂಬರವಾಗುತ್ತಿದೆ. ಲಗ್ನಕ್ಕಾಗಿ ಹಲವಾರು ಕೇಂದ್ರಗಳು ನಿರ್ಮಾಣವಾಗಿದೆ. ಜನಜಂಗುಳಿಯ ಜಾತ್ರೆಯಾಗಿ ಉಡುಗೊರೆ ಕೊಡುಕೊಳ್ಳುವ  ಪ್ರಕ್ರಿಯೆಯಾಗಿ ಬದಲಾಗುತ್ತಿವೆ.

ಆಡಂಭರದ ಮದುವೆಗೆ ಫೋಟೋ,ವಿಡಿಯೋಗಳ ಅಬ್ಬರದ ಒಡ್ಡೋಲಗವೂ ಆಗತೊಡಗಿವೆ. ಫ್ಯಾಶನ್ ಹೆಸರಲ್ಲಿ ಆಹಾರಗಳ ದುರ್ಬಳಕೆಯೂ ಹೇರಳವಾಗುತ್ತಿವೆ.ಒಟ್ಟಿನಲ್ಲಿ ಭಾರತೀಯ ಸಂಸ್ಕೃತಿಯನ್ನು ಉಳಿಸಿ ಬೆಳೆಸುವ ನಿಟ್ಟಿನಲ್ಲಿ ವಿವಾಹ ನಡೆಯುತ್ತಿರುವುದು ವಿರಳವಾಗುತ್ತಿವೆ. ಸಂಪ್ರದಾಯವನ್ನು ತಿರುಚಿ, ಮದುವೆಯೂ ಒಂದು `ಉದ್ಯಮ’ದ ರೂಪ ಪಡೆಯುತ್ತಿರುವ ಸತ್ಯವನ್ನು ಒಪ್ಪಿಕೊಳ್ಳುವಂತಾಗಿದೆ.

ಜಯಾನಂದ
ಪ್ರಥಮ ದರ್ಜೆ ಕಾಲೇಜು ಸಿದ್ಧಕಟ್ಟೆ