Headlines

ಕಣ್ಣುತೆರೆಸಿದ ಜವನೆರ್ ಬೆದ್ರ ಸಂಘಟನೆ * ಯೋಧರ ಮನೆಯಲ್ಲಿ ಬೆಳಗಿದ ದೀಪ! * ಯಶಸ್ವೀ 36ನೇವಾರ ಪೂರೈಸಿದ ಕ್ಲೀನ್ ಅಪ್ ಮೂಡಬಿದಿರೆ * ರಾಜ್ಯಮಟ್ಟದ ಬಾಲ್ ಬ್ಯಾಡ್ಮಿಂಟನ್ ಪಂದ್ಯಾಟ ಆರಂಭ * ಅಳಿಯೂರಿನಲ್ಲಿ ಮೇಳೈಸಲಿದೆ ಕ್ರೀಡಾಹಬ್ಬ.! * ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಯ್ತು ಹಳ್ಳಿ ಹುಡುಗರ ಅನ್ವೇಷಣೆ! * ಶಿರ್ಲಾಲು: ಹೊಸ ಶಾಸನ ಪತ್ತೆ * ಸಾವಿರ ಕಂಬದ ಬಸದಿಯ ಸ್ವಚ್ಛತೆ * ಪುರಸಭೆಯ ಕಣ್ಣುತೆರೆಸಿದ ಜವನೆರ್ ಬೆದ್ರ! * ಪುರಸಭೆಗೆ ಸಾರ್ವಜನಿಕರಿಂದ ಹಿಡಿಶಾಪ * ಕಾರ್ಯಾಂಗ,ನ್ಯಾಯಾಂಗ,ಶಾಸಕಾಂಗದ ವೈಫಲ್ಯದ ವಿರುದ್ಧ ಹೋರಾಟ: ಸುದರ್ಶನ್ * ಬೆಸ್ಟ್ ಡ್ರಾಮೇಬಾಜ್ ಖ್ಯಾತಿಯ ಶ್ರೀಶ ಬೆಂಗಳೂರು ಅವರಿಗೆ ಗೌರವ ಸನ್ಮಾನ * ಮಾನವೀಯ ಸ್ಪಂದನೆ ಆಗಲೇಬೇಕಾಗಿದೆ… * 33ನೇ ವಾರ ಪೂರೈಸಿದ ಜವನೆರ್ ಬೆದ್ರದ ಸಾಧನೆ * ಆಧುನಿಕತೆಯಿಂದ ಆಶಾದಾಯಕ ಸ್ಥಿತಿ ಬಂದೊದಗಿದೆ: ಹರೀಶ್ ಶೆಣೈ * ಮೂಡಬಿದಿರೆಯಲ್ಲಿ ಸದ್ಭಾವನಾ ಗೋಷ್ಠಿ * ಭಾರತೀಯ ಜನತಾ ಪಾರ್ಟಿಯಿಂದ ಸ್ವಚ್ಛತೆಯ ಮಂತ್ರ * ಬಸದಿಗಳ ಬೀಡಲ್ಲಿ ಬಸದಿಗಳ ಸ್ವಚ್ಛತೆ * ಕಂಬಳಸಮಿತಿ ಸಭೆ * 30ನೇವಾರದ ಕ್ಲೀನ್ ಅಪ್ ಮೂಡಬಿದಿರೆ *

‘ಪ್ರಳಯ ಫಿಕ್ಸ್’ ಮಾಡೋಕೆ ಇನ್ನೊಬ್ಬ ಬರಬೇಕಿಲ್ಲ

#ettina#hole#project#dk

ಅನಿಸಿಕೆ :ಗಿರಿಧರ್ ಶೆಟ್ಟಿ , ಮಂಗಳೂರು

ಪಶ್ಚಿಮ ಘಟ್ಟಗಳ ಶಿರಾಡಿ ಘಾಟ್, ಬಿಸ್ಲೆ ಘಾಟ್ ಮತ್ತು ಸಂಪಾಜೆ ಘಾಟ್ ಪ್ರದೇಶದಲ್ಲಿ ಗುಡ್ಡಗಳು ಯಾಕೆ ಕುಸಿಯುತ್ತಿವೆ ಅನ್ನೋದ್ರ ಬಗ್ಗೆ ಚಿಂತನೆ ಮಾಡಬೇಕು. ಸಾವಿರಾರು ವರ್ಷಗಳಿಂದ ಬಾಳಿ ಬದುಕಿದ್ದ ಈ ಪರಿಸರದ ಬೆಟ್ಟಗಳ ಸರಪಣಿ ಯಾಕೆ ಬಿಚ್ಚಿಕೊಳ್ಳುತ್ತಿದೆ. ಒಮ್ಮಿಂದೊಮ್ಮೆಲೇ ಯಾಕೆ ಸ್ಪೋಟಗೊಂಡು ಸೀಳಿ ಹೋಗುತ್ತಿವೆ ಅನ್ನೋದು. ಪರಿಸರ ತಜ್ಞರ ಪ್ರಕಾರ, ಇದಕ್ಕೆಲ್ಲ ಮೂಲಕಾರಣ ಎತ್ತಿನಹೊಳೆ ಯೋಜನೆ. ಯೋಜನಾ ಪ್ರದೇಶದ ಸಕಲೇಶಪುರ ಆಸುಪಾಸಿನಲ್ಲಿಯೇ ಇಂಥ ಸ್ಥಿತಿ ಸೃಷ್ಟಿಯಾಗಿದೆ ಅನ್ನೋದು ಗಮನಿಸಬೇಕಾದ ಅಂಶ.

ಇಲ್ಲೇ ಯಾಕೆ ಗುಡ್ಡ ಕುಸಿಯುತ್ತಿದೆ ಅನ್ನೋದಕ್ಕೆ ಈ ಅವೈಜ್ಞಾನಿಕ ಯೋಜನೆಯೇ ಕಾರಣ ಅನ್ನೋದಕ್ಕೆ ತಜ್ಞರೇ ಬೇಕಿಲ್ಲ. ಹತ್ತು ಸಾವಿರ ಹೆಕ್ಟೇರ್ ವ್ಯಾಪ್ತಿಯಲ್ಲಿ ಅರಣ್ಯ ಕಡಿದು ಈ ಭಾಗದಲ್ಲಿದ್ದ ಶೋಲಾ ಕಾಡುಗಳನ್ನು ನಾಶಪಡಿಸಿದ್ದಾರೆ. ಶೋಲಾ ಕಾಡುಗಳಂದ್ರೆ ಪಶ್ಚಿಮ ಘಟ್ಟಗಳ ಹಾರ್ಟ್ ಇದ್ದಂತೆ. ಹೀಗಾಗಿ ನೀರನ್ನು ಹೀರುವ ಮೇಲ್ಮೈ ಪದರಗಳೇ ನಾಶವಾಗಿದೆ. ಇದರಿಂದ ಯೋಜನಾ ಪ್ರದೇಶದಲ್ಲಿ ಇಂಗಿದ ಮಳೆ ನೀರು ಸಡಿಲ ಬೆಟ್ಟ ಗುಡ್ಡಗಳ ನಡುವೆ ಹೊರಬರುತ್ತಿದೆ.

ನೀರನ್ನು ಹಿಡಿದಿಟ್ಟುಕೊಳ್ಳುವ ಶಕ್ತಿ ಇಲ್ಲವಾದ್ದರಿಂದ ಸಡಿಲ ಮಣ್ಣನ್ನು ಹೊಂದಿರುವ ಘಟ್ಟಗಳು ಸೀಳಿ ಹೋಗುತ್ತಿವೆ. ಪಶ್ಚಿಮ ಘಟ್ಟಗಳ ಮೇಲ್ಭಾಗ ಅಂದ್ರೆ ಬೆಟ್ಟಗಳ ಸರಪಣಿಯ ಮಧ್ಯಭಾಗ ಅತ್ಯಂತ ಮೆದು ಮಣ್ಣನ್ನು ಹೊಂದಿರುವ ಜಾಗ. ಅತ್ತ ಬಿಸ್ಲೆ ಘಾಟ್ ನಿಂದ ತೊಡಗಿ ಶಿರಾಡಿ, ಸಂಪಾಜೆ, ಪುಷ್ಪಗಿರಿ, ಬ್ರಹ್ಮಗಿರಿ ಬೆಟ್ಟಗಳು ಇದೇ ರೀತಿಯವು. ಹೀಗಾಗಿ ಈ ಭಾಗದ ಬೆಟ್ಟಗಳು ಬಿರುಕು ಬಿಡುತ್ತಿದ್ದು ಮಳೆ ನೀರು ಒಳಗಿಳಿದು ಸ್ಫೋಟಗೊಳ್ಳುತ್ತಿವೆ. ಪರಿಸರದಲ್ಲಿ ಮನೆ ಕಟ್ಟಿಕೊಂಡ ಬಡಜನರು ಎಲ್ಲವನ್ನೂ ಕಳಕೊಂಡು ಬೀದಿಗೆ ಬೀಳುತ್ತಿದ್ದಾರೆ.

ಸರಕಾರ ಹಠಕ್ಕೆ ಬಿದ್ದು ಯಾರದ್ದೋ ಜೇಬು ತುಂಬಿಸಲು ಪಶ್ಚಿಮ ಘಟ್ಟವನ್ನು ಕೊಯ್ದು ನಿಸರ್ಗ ಸಿರಿಯ ಮೇಲೆ ನಮ್ಮೆಲ್ಲರ ಚಟ್ಟ ಕಟ್ಟಲು ಹೊರಟಂತಿದೆ. ಐದು ವರ್ಷಗಳ ಹಿಂದೆ ತಜ್ಞರು ವ್ಯಕ್ತಪಡಿಸಿದ್ದ ಆತಂಕ ನಿಜವಾಗುತ್ತಿದೆ. ಅತ್ತ ಕಾಡು- ಪರಿಸರವೂ ನಾಶ, ಇತ್ತ ಕೋಲಾರದ ಜನರಿಗೆ ಮೋಸ. ಇದಕ್ಕಾಗಿ ನಿಮ್ಮೆಲ್ಲರ ವರದಿಯಲ್ಲಿ ಎತ್ತಿನಹೊಳೆ ಪ್ರಾಜೆಕ್ಟ್ ಟಾರ್ಗೆಟ್ ಆಗಿರಲಿ ಅನ್ನೋದು ನನ್ನ ಕಳಕಳಿ‌.

ಕೊಡಗಿನಲ್ಲಿ ಮಳೆಯಿಂದ ತಗ್ಗುಪ್ರದೇಶ ಮುಳುಗಿರಬಹುದು‌. ಆದರೆ, ಈ ಭಾಗದಲ್ಲಿ ಬೆಟ್ಟಗಳೇ ಸೀಳಿ ಹೋಗುತ್ತಿವೆ. ಪ್ರಕೃತಿ ಒಂದಷ್ಟು ದಿನ ಕಾಯುತ್ತೆ. ತಿದ್ದಿಕೊಳ್ಳದಿದ್ದರೆ ತಿರುಗೇಟು ನೀಡುತ್ತೆ. ಈ ಬೆಟ್ಟಗಳು ಬಿರುಕು ಬಿಟ್ಟ ಪರಿಣಾಮ ಆಸುಪಾಸಿನಲ್ಲಿರುವ ಹಾರಂಗಿ, ಲಿಂಗನಮಕ್ಕಿ, ಘಟ್ಟದ ಮಧ್ಯೆ ಕಟ್ಟಿರುವ ಅಣೆಕಟ್ಟುಗಳೇನಾದ್ರೂ ಒಡೆದು ಹೋದರೆ ಕೊಡಗು ಮಾತ್ರ ಅಲ್ಲ ಮಲೆನಾಡು ಸೇರಿ ಇಡೀ ಕರಾವಳಿ ಜಿಲ್ಲೆಗಳೇ ಸರ್ವನಾಶ ಆಗಬಹುದು. ಈ ಬಾರಿಯದ್ದು ಬರೀಯ ಮುನ್ಸೂಚನೆ ಅಷ್ಟೆ. ನಮಗೆ ಬೇರೇನೂ ಮಾಡಲಾಗದು. ಪಶ್ಚಿಮ ಘಟ್ಟಗಳ ಬಗ್ಗೆ ಕನಿಷ್ಠ ಕಳಕಳಿ, ಆಸ್ಥೆ ಇದ್ದರೆ ಈ ಕುರಿತ ವರದಿಗಳನ್ನಾದ್ರೂ ಹೈಲೈಟ್ ಮಾಡೋಣ… ಕಾಡು ಬೆಟ್ಟಗಳ ಮಧ್ಯೆ ನಿಂತು ಪ್ರಕೃತಿಯನ್ನು ಆಸ್ವಾದಿಸುತ್ತಾ ಫೋಟೊ ಕ್ಲಿಕ್ಕಿಸಿಕೊಳ್ಳುವ ಬೆಂಗಳೂರಿನಲ್ಲಿ ಇರುವವರೂ ಎಚ್ಚತ್ತುಕೊಳ್ಳಿ. ಕಾಡು ಬರೀಯ ಕಾಡಲ್ಲ. ಅವು ನಮ್ಮ ಜೀವನಾಡಿಗಳು. ನಾಡಿಗಳು ಬರಿದಾದರೆ ನಮ್ಮ ಅಳಿವಿಗೆ, ‘ಪ್ರಳಯ ಫಿಕ್ಸ್’ ಮಾಡೋಕೆ ಇನ್ನೊಬ್ಬ ಬರಬೇಕಿಲ್ಲ.