Headlines

ಕಂಬಳಸಮಿತಿ ಸಭೆ * 30ನೇವಾರದ ಕ್ಲೀನ್ ಅಪ್ ಮೂಡಬಿದಿರೆ * ಸ್ವಚ್ಛತಾ ದಿನಾಚರಣರೆ * ಶಾಸಕ ಉಮಾನಾಥ್ ಎ.ಕೋಟ್ಯಾನ್ ವಿಶೇಷ ಸಂದರ್ಶನ * ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಡಾ. ಮಲ್ಲಿಕಾ ಎಸ್.ಘಂಟಿ, ಉದ್ಘಾಟಕರಾಗಿ ಡಾ.ಷ. ಶೆಟ್ಟರ್ * ಫಲವಿತರಿಸಿ ಹುಟ್ಟುಹಬ್ಬ ಆಚರಣೆ * ನುಡಿಸಿರಿಯಲ್ಲೊಂದು ಕೃಷಿಸಿರಿ:ಡಾ.ಆಳ್ವ * ಹುಲಿ-ಸ್ವಚ್ಛತೆಯೂ -ಗಣೇಶೋತ್ಸವವೂ-ಪುರಸಭೆಯೂ! * ಗಣೇಶ ದರ್ಶನ… * ಮೂಡಬಿದಿರೆಯಲ್ಲಿ ಗಣೇಶೋತ್ಸವದ ಗೌಜಿ ಶುರು… * 28ನೇ ವಾರದ ಸ್ವಚ್ಛತಾ ಅಭಿಯಾನ * ಈ ಕರ್ಮಕಾಂಡಕ್ಕೆ ಯಾರು ಬಲಿ…? * `ಗುಣಮಟ್ಟದ ಶಿಕ್ಷಣ-ಸೂಕ್ತ ಉದ್ಯೋಗಕ್ಕೆ ಒತ್ತು’ * 27ನೇ ವಾರದ ಕ್ಲೀನ್ ಅಪ್ ಮೂಡಬಿದಿರೆ ಸಂಪನ್ನ * ನಮ್ಮ ಹೆಮ್ಮಕ್ಕಳು ಅದೆಷ್ಟು ಸುರಕ್ಷಿತ…? * ಮನಮೋಹಕ ನೃತ್ಯ ಸಿಂಚನ * ಸ್ವಚ್ಛ ಸರ್ವೇಕ್ಷಣ ಗ್ರಾಮೀಣ 2018 * ಆಧುನಿಕತೆಯೇ ಮುಳುವಾಯಿತೇ…? * ನಾಟ್ಯ ಮಯೂರಿ… * ನವೆಂಬರ್ 16-18: ಆಳ್ವಾಸ್ ನುಡಿಸಿರಿ *

ನಾಟ್ಯ ಮಯೂರಿ…

#picok#special#vaartenews

 ಸ್ಟೂಡೆಂಟ್ ರಿಪೋರ್ಟ್: ವಿಶೇಷ ಸುದ್ದಿ

ನವಿಲು ನಮ್ಮ ರಾಷ್ಟ್ರಪಕ್ಷಿ. ಇದು ಬಹು ವರ್ಣಮಯವಾದ ಹಕ್ಕಿ ಹಂಸದ ಆಕಾರದಲ್ಲಿರುತ್ತದೆ. ಬೀಸಣಿಗೆಯಾಕಾರದ ಗರಿಗಳ ಗುಂಪು ಹೊಂದಿದೆ. ಕಣ್ಣ ಕೆಳಗೆ ಬಿಳಿ ಮಚ್ಚೆ ಇದೆ.ಉದ್ದವಾದ , ಅದರಲ್ಲೂ ತೆಳುವಾದ ಕೊರಳನ್ನು ಹೊಂದಿದೆ. ಹೆಣ್ಣು ನವಿಲುಗಿಂತ ಗಂಡು ನವಿಲು ತುಂಬಾ ಸುಂದರವಾಗಿರುತ್ತದೆ. ಆಕರ್ಷಕ ಹೊಳೆಯುವ  ನೀಲಿ ಬಣ್ಣದ ಎದೆ ಮತ್ತು ಕೊರಳು, ಆಕರ್ಷಕ ರೂಪ ಆಕಾರ ಹೊಂದಿದ ನೀಳನೆಯ ಪಕ್ಷಿ. ಉದ್ದುದ್ದ ಗರಿಗಳಿಂದೊಡಗೂಡಿದ ಬಾಲ.ನವಿಲಿನ ನೃತ್ಯವೇ ನಯನ ಮನೋಹರ. ಮನಮೋಹಕ ನೃತ್ಯದ ಮೂಲಕ ಎಂತಹವರನ್ನೂ ಮೂಕ ವಿಸ್ಮಿತರನ್ನಾಗಿ ಮಾಡುತ್ತದೆ ಈ ನವಿಲು.  ಮಳೆ ಮೋಡ ಮುಸುಕಿದಾಗ  ಈ ಪಕ್ಷಿ ಸಂತಸದಿಂದ ಕುಣಿಯಲಾರಂಭಿಸುತ್ತದೆ.  ಸಾವಿರ ಕಣ್ಣುಗಳಿರುವ ಗರಿಗಳನ್ನು ಹರಡಿಕೊಂಡು ತನ್ನಷ್ಟಕ್ಕೇ ತಾನು ನಲಿಯುವ ನೋಟದಿಂದಲೇ ನೋಡುಗರಿಗೆ ಆನಂದವನ್ನು ಕೊಡುವ ಪಕ್ಷಿ ಇದು.  ತನ್ನ ನಡಿಗೆಯಿಂದ ಮಯೂರಿ ಎಂದು ಕರೆಯಲ್ಪಡುವ ಸುಂದರ ಪಕ್ಷಿ ನಮ್ಮ ಹೆಮ್ಮೆಯ ರಾಷ್ಟ್ರಪಕ್ಷಿಯೆನಿಸಿದೆ.
a-peacock
ಹಿಂದಿನ ಕಾಲದಲ್ಲಿ ಕಾಡು-ಮೇಡು, ಗದ್ದೆಗಳು ತುಂಬಾ ಇದ್ದುದ್ದರಿಂದ ನವಿಲುಗಳ ಸಮೂಹಗಳು ನೋಡಲು ಬಹಳ ಸಿಗುತ್ತಿತ್ತು. ಆದರೆ ಈಗಿನ ಪರಿಸ್ಥಿತಿಯಲ್ಲಿ ಮಾನವನು ತನ್ನ ಸ್ವಂತ ಅಭಿವೃದ್ಧಿಗಾಗಿ ಅರಣ್ಯಗಳನ್ನೆಲ್ಲಾ ಕಡಿದು, ವಾಣಿಜ್ಯ ಬಳಕೆಗೆ ಬಳಸಲು ಆರಂಬಿಸಿದ್ದರಿಂದಾಗಿ ಈ ಪಕ್ಷಿಯ ಸಂತತಿಯೂ ಕಡಿಮೆಯಾಗತೊಡಗಿದೆ. ಅತ್ಯಾಕರ್ಷಕವಾದ ನವಿಲು ಸಂತತಿ ಅಳಿಯದಂತೆ ಉಳಿಸುವ ಕಾರ್ಯ ಆಗಬೇಕಾಗಿದೆ.  ಗಂಡು ನವಿಲು ಕಾಮನ ಬಿಲ್ಲಿನ ಬಣ್ಣ ಗಳಂತೆ ಆಕರ್ಷಕವಾದ ಗರಿಗಳನ್ನು ಹೊಂದಿರುತ್ತದೆ. ಅವುಗಳಲ್ಲಿ ಮುಖ್ಯವಾಗಿ ನೀಲಿ ಹಸಿರು ಮಿಶ್ರಿತ ಅಥವಾ ಹೊಳಪಿನ ಹಸಿರು ಬಣ್ಣದ ಗರಿ ಗಳನ್ನು ಹೊಂದಿರುತ್ತದೆ. ಉದ್ದನೆಯ ಗರಿಗಳ ಗುಚ್ಛವು ಹೃದಯದ ಆಕಾರದಲ್ಲಿ ಕೊನೆಗೊಂಡಿರುತ್ತದೆ. ಅಲ್ಲದೆ ಅದರ ಮಧ್ಯದಲ್ಲಿ ಕಣ್ಣಿನ ಆಕಾರವಿರುತ್ತದೆ. ಹೆಣ್ಣು ನವಿಲನ್ನು ಆಕರ್ಷಿಸಲು ಗಂಡು ನವಿಲು ಗರಿಗೆದರಿ ನೃತ್ಯ ಮಾಡುವಾಗ ಇದು ಸುಂದರವಾಗಿ ಕಾಣುತ್ತದೆ

ಗಂಡು ನವಿಲು ಬಹಳ ಸುಂದರವಾಗಿ, ಆಕರ್ಷಕವಾಗಿರುತ್ತದೆ. ಹೆಣ್ಣು ನವಿಲು ಗಂಡು ನವಿಲಿನಷ್ಟು ಆಕರ್ಷಕವಾಗಿರುವುದಿಲ್ಲ. ಇವು ಮಸುಕಾದ ಹಸಿರು, ಬೂದು ಮತ್ತು ಕಂದು ಬಣ್ಣ ಮಿಶ್ರಿತ ಗರಿಗಳ ಗುಚ್ಛವನ್ನು ಹೊಂದಿರುತ್ತವೆ. ಆದರೆ ಗಂಡು ಮತ್ತು ಹೆಣ್ಣು ನವಿಲುಗಳೆರಡೂ ತಮ್ಮ ತಲೆಯ ಮೇಲೆ ಮುಕುಟವನ್ನು ಹೊಂದಿರುತ್ತವೆ. ಕೆಲವೊಮ್ಮೆ ಹೆಣ್ಣು ನವಿಲು ತನ್ನ ಮುಕುಟ ಅಥವಾ ಚೊಟ್ಟಿ ಅಥವಾ ಜುಟ್ಟನ್ನು ತನ್ನ ಮರಿಗಳ ರಕ್ಷಣೆಗಾಗಿ ಉಪಯೋಗಿಸುತ್ತದೆ.

 

ಸುಸ್ಮಿತಾ

ಸರಕಾರಿ ಪ್ರಥಮ ದರ್ಜೆ ಕಾಲೇಜು, ಸಿದ್ದಕಟ್ಟೆ