Headlines

ವಿಶ್ವ ಜೂನಿಯರ್ ಅಥ್ಲೆಟಿಕ್ಸ್ ಗೆ ಆಳ್ವಾಸ್ ಕ್ರೀಡಾಳುಗಳು * ಜಾಗೃತಿ ಪ್ರಜ್ಞೆ ಮೂಡಿಸಿದ ಜವನೆರ್ ಬೆದ್ರ * ಶಾಸಕರ ಮಾನವೀಯ ಸ್ಪಂದನೆ * ಜವನೆರ್ ಬೆದ್ರದ ಸಾಧನೆ ಇತರರಿಗೂ ಮಾದರಿ * ಕರಾವಳಿಯಲ್ಲಿ ಮತ್ತೆ ಮಳೆಯಾರ್ಭಟ * ಗದ್ದೆಯಲ್ಲಿ ಕುಣಿದು ಕುಪ್ಪಳಿಸಿದರು!! * ಸರ್ಕಾರ ಉಳಿಸಲು ವಿಶೇಷ ಪೂಜೆ! * `ನಾಡ ಪ್ರೇಮಿ’ಖ್ಯಾತಿಯ ಬಳ್ಳುಳ್ಳಾಯ ಇನ್ನಿಲ್ಲ * ಇಳೆಯು ಕಾದಿದೆ ಮಳೆಗಾಗಿ… * ಒತ್ತಡ ನಿರ್ವಹಣೆಗೆ ಆದ್ಯತೆ ಅವಶ್ಯ * ಬೆಳದಿಂಗಳ ಸಮ್ಮೇಳನಾಧ್ಯಕ್ಷತೆಗೆ ಬನ್ನಂಜೆ ಆಯ್ಕೆ * ಕಥೋಲಿಕ್ ಸಮಾಜೋತ್ಸವ * ಅಶ್ವತ್ಥಪುರದಲ್ಲಿ ಡಾ.ಸುಧೀರ್ ಹೆಗ್ಡೆ ನೇತೃತ್ವದಲ್ಲಿ ನೇತ್ರ ಚಿಕಿತ್ಸೆ ಶಿಬಿರ * ರೋಟರಿಯಿಂದ ಗಣರಾಜ್ಯೋತ್ಸವ ಆಚರಣೆ * ರಾಷ್ಟ್ರೀಯ ಐಕ್ಯತೆಗೆ ಯುವಪಡೆ ಸಿದ್ಧವಾಗಲಿ: ವಿನಯ ಹೆಗ್ಡೆ * ಮಹಾಮಜ್ಜನಕ್ಕೆ ಸಿದ್ದತೆ ಪೂರ್ಣ * ಶ್ರೀಬಾಹುಬಲಿ ಅಹಿಂಸಾದಿಗ್ವಿಜಯಂ ಲೋಕಾರ್ಪಣೆ * ಲೋಕಾಯುಕ್ತ ಪ್ರವಾಸ * ರೋಟರಿಯಿಂದ ಸಾಧಕರಿಗೆ ಸನ್ಮಾನ * ಸ್ವರಾಜ್ಯ ಮೈದಾನದ ಮೇಲೆ ತೂಗುಗತ್ತಿ…! *

ಗದ್ದೆಯಲ್ಲಿ ಕುಣಿದು ಕುಪ್ಪಳಿಸಿದರು!!

#rotary#moodbidri#rotaryschool

ನಮ್ಮ ಪ್ರತಿನಿಧಿ ವರದಿ

ಹೌದು…ಅಲ್ಲಿ ಓಬೇಲೆ ಕೇಳುತ್ತಿತ್ತು…ಕೋಣಗಳು ಗದ್ದೆಗಳಿದಿದ್ದವು…ಮಳೆ ನೀರಿನಿಂದ ತುಂಬಿದ್ದ ಬಾಕಿಮಾರ್ ಗದ್ದೆಯಲ್ಲಿ ನೂರಾರು ವಿದ್ಯಾರ್ಥಿಗಳು…ಮಾಮೂಲಿನ ಪಾಠ ಪ್ರವಚನಗಳಿಂದ ಹೊರತಾಗಿ ವಿಶೇಷವಾಗಿ ದಿನಪೂರ್ತಿ  ಕಾಲ ಕಳೆದಿದ್ದರು… ಅಲ್ಲಿ ನಿಶ್ಚಿಂತೆಯಿಂದ ಮನಬಂದಂತೆ ಕೆಸರಲ್ಲಿ ಮಿಂದೆದ್ದರು…ತಾವುಣ್ಣುವ ಅನ್ನ ಹೇಗೆ ಬೆಳೆಯುತ್ತದೆಂಬ ನೈಜ ಪ್ರಕ್ರಿಯೆನ್ನು ಕಂಡರು…ಒಟ್ಟಾರೆಯಾಗಿ ಗ್ರಾಮೀಣ ಸೊಗಡಿನ ಸಂಪೂರ್ಣ ಪರಿಚಯ ದಿನಪೂರ್ತಿ ಅನುಭವಿಸುವಂತಾದರು.
ಮೂಡಬಿದಿರೆಯ ರೋಟರಿ ವಿದ್ಯಾಸಂಸ್ಥೆ , ರೋಟರಿಕ್ಲಬ್ ಮೂಡಬಿದಿರೆ, ರೋಟರಿ ಟೆಂಪಲ್ ಟೌನ್ ಮೂಡಬಿದಿರೆ ಇದರ ಸಹಭಾಗಿತ್ವದಲ್ಲಿ ರೋಟರಿ ವಿದ್ಯಾಸಂಸ್ಥೆಯ ಮಕ್ಕಳ ಗದ್ದೆಯೆಡೆಗೆ ಮಕ್ಕಳ ಹೆಜ್ಜೆ ಕಾರ್ಯಕ್ರಮ ಮೂಡಬಿದಿರೆ ದೊಡ್ಮನೆ ರಸ್ತೆಯ ತೋಟಮನೆಯಲ್ಲಿ ಗುರುವಾರ ನಡೆಯಿತು.
ವಿದ್ಯಾಥರ್ಿಗಳಿಗೆ ನೇಜಿ ನಾಟಿಯ ಪ್ರಾತ್ಯಕ್ಷಿಕೆ ನೀಡಲಾಯಿತು. ನಿಧಿ ಶೋಧ, ಕೆಸರುಗದ್ದೆ ಓಟ, ಅಡಕೆ ಹಾಳೆ ಓಟ, ಕಬಡ್ಡಿ ಮೊದಲಾದ ಆಟಗಳನ್ನು ಆಡಿಸಲಾಯಿತು. ಕೃಷಿ ಪರಿಕರಗಳ ಪ್ರದರ್ಶನ ಗಮನ ಸೆಳೆಯಿತು. ಸಾಂಪ್ರದಾಯಿಕ ರೀತಿಯ ಉದ್ಘಾಟನೆ ಅಚ್ಚರಿ ಮೂಡಿಸಿತು. ಅಕ್ಕಿ ಮುಡಿ, ಕಳಸಿಗೆ, ಸಿಂಗಾರ, ಮೊರ, ಭತ್ತ ಇವೆಲ್ಲವೂ ಗದ್ದೆಯಂಚಲ್ಲಿದ್ದ ವೇದಿಕೆಯಲ್ಲಿ ಸ್ಥಾನಪಡೆದಿದ್ದವು. ಅತಿಥಿಗಳಿಗೆ ವೀಳ್ಯನೀಡಿ ಸಾಂಪ್ರದಾಯಿಕ ಸ್ವಾಗತ ಕೋರಲಾಯಿತು.
ರೋಟರಿ ಶಿಕ್ಷಣ ಸಂಸ್ಥೆಯ 800ವಿದ್ಯಾರ್ಥಿಗಳು ಈ ಕಾರ್ಯದಲ್ಲಿ ಭಾಗಿಗಳಾದರು.