Headlines

ಒತ್ತಡ ನಿರ್ವಹಣೆಗೆ ಆದ್ಯತೆ ಅವಶ್ಯ * ಬೆಳದಿಂಗಳ ಸಮ್ಮೇಳನಾಧ್ಯಕ್ಷತೆಗೆ ಬನ್ನಂಜೆ ಆಯ್ಕೆ * ಕಥೋಲಿಕ್ ಸಮಾಜೋತ್ಸವ * ಅಶ್ವತ್ಥಪುರದಲ್ಲಿ ಡಾ.ಸುಧೀರ್ ಹೆಗ್ಡೆ ನೇತೃತ್ವದಲ್ಲಿ ನೇತ್ರ ಚಿಕಿತ್ಸೆ ಶಿಬಿರ * ರೋಟರಿಯಿಂದ ಗಣರಾಜ್ಯೋತ್ಸವ ಆಚರಣೆ * ರಾಷ್ಟ್ರೀಯ ಐಕ್ಯತೆಗೆ ಯುವಪಡೆ ಸಿದ್ಧವಾಗಲಿ: ವಿನಯ ಹೆಗ್ಡೆ * ಮಹಾಮಜ್ಜನಕ್ಕೆ ಸಿದ್ದತೆ ಪೂರ್ಣ * ಶ್ರೀಬಾಹುಬಲಿ ಅಹಿಂಸಾದಿಗ್ವಿಜಯಂ ಲೋಕಾರ್ಪಣೆ * ಲೋಕಾಯುಕ್ತ ಪ್ರವಾಸ * ರೋಟರಿಯಿಂದ ಸಾಧಕರಿಗೆ ಸನ್ಮಾನ * ಸ್ವರಾಜ್ಯ ಮೈದಾನದ ಮೇಲೆ ತೂಗುಗತ್ತಿ…! * ಡಾ.ಸುಧೀರ್ ಹೆಗ್ಡೆ ನೇತೃತ್ವದಲ್ಲಿಕಣ್ಣಿನತಪಾಸಣಾ ಶಿಬಿರ * ಯುವಶಕ್ತಿಗೆ ಪರಿಸರಪ್ರಜ್ಞೆಯ ಅರಿವು ಮೂಡಿಸಿದ ಮಹಾಕಾರ್ಯ * ಮೂಡಬಿದಿರೆ ಶಿಕ್ಷಣ ಪ್ರೇಮಿಗಳ ನಾಡು: ಅಭಯಚಂದ್ರ ಜೈನ್ * 50ನೇ ವೈದ್ಯಕೀಯ ತಪಾಸಣಾ ಶಿಬಿರ * ಜ.21-25: ಮೂಡಬಿದಿರೆಯಲ್ಲಿ ರಾಷ್ಟ್ರೀಯ ವೈಯ್ಟ್ ಲಿಫ್ಟಿಂಗ್ * ರಾಜ್ಯಮಟ್ಟದ ಟಿ-20 ಕ್ರಿಕೆಟ್ ಟೂರ್ನಿ: ಆಳ್ವಾಸ್‍ಗೆ ಪ್ರಶಸ್ತಿ * ಕವಿಕುಲಗುರು ಕುಮಾರವ್ಯಾಸ * ಆಳ್ವಾಸ್ ಕಾಲೇಜಿನ ವಿದ್ಯಾರ್ಥಿಗಳಿಂದ ಒಡ್ಡು ನಿರ್ಮಾಣ * ಕಣ್ಣಿನ ಉಚಿತ ತಪಾಸಣೆಹಾಗೂ ಚಿಕಿತ್ಸಾ ಶಿಬಿರ *

ಉದ್ಯೋಗ`ಸಿರಿ’ಯ ಮೂಲಕ ಕನ್ನಡದ ಕೈಗೆ ಕೆಲಸ…!

#alvas #udyogsiri#moodbidri#vaarte

ಹರೀಶ್ ಕೆ.ಆದೂರು
ಏನೇ ಹೇಳಿ…ಭಾಷಣದಲ್ಲಿ `ಭಾಗ್ಯ’ಗಳ ಸುರಿಮಳೆಯನ್ನೇ ನೀಡುವ ರಾಜಕಾರಣಿಗಳು ನೈಜ ಫಲಾನುಭವಿಗಳಿಗೆ ಯೋಜನೆಯ ಸಂಪೂರ್ಣ ಲಾಭ ನೀಡುವಲ್ಲಿ ಶ್ರಮಿಸುತ್ತಾರೆಯೇ…? ಅಥವಾ ಯೋಜನೆಯ ಲಾಭ ದೊರಕುತ್ತಿದೆಯೇ ಎಂದು ಕೇಳಿದರೆ ಉತ್ತರ ಮಾತ್ರ ಇಲ್ಲ.
ಈ ವಿಚಾರ ಇಲ್ಯಾಕೆ ಎಂಬ ಮೂಲಭೂತ ಪ್ರಶ್ನೆ ಉದ್ಭವಿಸದೆ ಇರದು ಅಲ್ಲವೇ…? ಕನ್ನಡ ರಾಜ್ಯೋತ್ಸವವಿರಲಿ, ಕನ್ನಡ ಸಾಹಿತ್ಯ ಸಮ್ಮೇಳನವಿರಲಿ ಇಲ್ಲೆಲ್ಲಾ ವೇದಿಕೆಯೇರಿ ಭಾಷಣ ಬಿಗಿಯುವ ರಾಜಕಾರಣಿಗಳು, ಸೋ ಕಾಲ್ಡ್ ಕನ್ನಡಾಭಿಮಾನಿಗಳು `ಕನ್ನಡಿಗರಿಗೆ ಅನ್ಯಾಯವಾಗುತ್ತಿದೆ, ಉದ್ಯೋಗದಲ್ಲಿ ಕನ್ನಡಿಗರನ್ನು ಕಡೆಗಣಿಸಲಾಗುತ್ತದೆ’ ಎಂದು ಬೊಬ್ಬರಿಯುತ್ತಾರೆ. ಇವರ್ಯಾರೂ ಇದನ್ನು ಅನುಷ್ಠಾನಗೊಳಿಸುವಲ್ಲಿ ಚಿಂತಿಸುತ್ತಿಲ್ಲ. ಕೇವಲ ಅವೆಲ್ಲವೂ ಭಾಷಣಗಳಿಗಷ್ಟೇ ಸೀಮಿತ ಎಂಬಂತಾಗುತ್ತದೆ.
ಏಕವ್ಯಕ್ತಿಯಾಗಿದ್ದುಕೊಂಡೇ ತನ್ನ ಶಿಕ್ಷಣ ಸಂಸ್ಥೆಯ ಮೂಲಕ ಕನ್ನಡ ಕಟ್ಟುವ ನಿಜಾರ್ಥದಲ್ಲಿ ಕನ್ನಡದ ಸೇವೆಗೈಯುವ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ.ಮೋಹನ ಆಳ್ವ ನುಡಿದಂತೆ ನಡೆಯುತ್ತಿದ್ದಾರೆ. ಭಾಷಣದಲ್ಲಿ ಹೇಳಿದ್ದನ್ನು ಮಾಡಿ ತೋರಿಸುತ್ತಿದ್ದಾರೆ. ತನ್ಮೂಲಕ ನಿಜಾರ್ಥದಲ್ಲಿ `ಕನ್ನಡ ಪ್ರೇಮಿ’ಯಾಗಿದ್ದಾರೆ.

ಇದೀಗ ಉದ್ಯೋಗ ಸಿರಿ…
ಹದಿನಾಲ್ಕು ವರ್ಷಗಳಿಂದ ನಿರಂತರ ಕನ್ನಡ ನಾಡು ನುಡಿ ಸಂಸ್ಕೃತಿಯ ರಾಷ್ಟ್ರೀಯ ಸಮ್ಮೇಳನವನ್ನು ಅತ್ಯದ್ಭುತವಾಗಿ ನಭೂತೋ ಎಂಬಂತೆ ಪ್ರತೀ ಸಾರಿಯೂ ಯಶಸ್ವಿಯಾಗಿ ನಡೆಸುತ್ತಿದ್ದಾರೆಯಲ್ಲದೆ ವರ್ಷಂಪ್ರತಿ ಒಂದನ್ನೊಂದು ಮೀರಿಸುವ ರೀತಿಯಲ್ಲಿ ಸಾಕಾರಗೊಳಿಸುತ್ತಿದ್ದಾರೆ. ಎಲ್ಲಿ ಕನ್ನಡಿಗರಿಗೆ ಅನ್ಯಾಯವಾಗುತ್ತಿದೆಯೋ ಅಲ್ಲಿ ಕನ್ನಡಿಗರ ಕೈ ಹಿಡಿದು ಎತ್ತುವ ತನ್ಮೂಲಕ ಕನ್ನಡಕ್ಕೆ ನ್ಯಾಯ ನೀಡುವ ಕಾರ್ಯವನ್ನು ಸಾಧಿಸಿ ಸಫಲತೆ ಸಾಧಿಸಿದ್ದಾರೆ.
ಸರಕಾರೀ ಮಟ್ಟದಲ್ಲಿರಲಿ, ಖಾಸಗೀ ಸಂಸ್ಥೆಗಳಲ್ಲಿರಲಿ ಕನ್ನಡಿಗರಿಗೆ ಉದ್ಯೋಗದಲ್ಲಿ ಅನ್ಯಾಯವಾಗುತ್ತಿರುವ ವಿಚಾರದ ಬಗ್ಗೆ ಚಿಂತಿಸಿದ ಮೋಹನ ಆಳ್ವರು ತಮ್ಮ ನುಡಿಸಿರಿಯ ಮೂಲಕ ಇದಕ್ಕೊಂದು ನ್ಯಾಯ ನೀಡುವತ್ತ ಚಿತ್ತ ಹರಿಸಿದ್ದು ಪ್ರಾಮುಖ್ಯ.
ಈ ಬಾರಿಯ ನುಡಿಸಿರಿಯ ಕೊನೆಯ ದಿನ ಡಿಸೆಂಬರ್ 3ರಂದು ದೊಡ್ಡ ಮಟ್ಟದ ಉದ್ಯೋಗ ಸಿರಿಯೆಂಬ ವಿಶಿಷ್ಠ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದಾರೆ. 1ನೇ ತರಗತಿಯಿಂದ 10ನೇ ತರಗತಿಯ ತನಕ ಕನ್ನಡ ಮಾಧ್ಯಮದಲ್ಲಿ ಕಲಿತ ಉದ್ಯೋಗಾಕಾಂಕ್ಷಿಗಳಿಗೆ ವಿವಿಧ ಕಂಪೆನಿಗಳಲ್ಲಿ ಉದ್ಯೋಗ ದೊರಕಿಸುವುದೇ ಈ ಮೇಳದ ಮುಖ್ಯ ಉದ್ದೇಶ. ಇಷ್ಟೇ ಅಲ್ಲದೆ ಕನ್ನಡ ನಾಡಿನಲ್ಲಿದ್ದೇ ಸಂಸ್ಥೆ ನಡೆಸುತ್ತಿರುವ ವಿವಿಧ ಕಂಪೆನಿಗಳಲ್ಲಿ ಕನ್ನಡಿಗರನ್ನು ಕಡೆಗಣಿಸಲಾಗುತ್ತಿದೆ ಎಂಬ ಆರೋಪಕ್ಕೆ ಉತ್ತರವಾಗಿ ಇದು ಮೂಡಿಬರಲಿದೆ ಎಂಬುದು ಡಾ.ಆಳ್ವರ ಅಭಿಮತ.

100ಕಂಪೆನಿಗಳು-ಸಹಸ್ರಾರು ಉದ್ಯೋಗಗಳು…
ನುಡಿಸಿರಿಯ ಸಂದರ್ಭದಲ್ಲಿ ಮಾತ್ರ ಆಯೋಜಿಸಲಾದ ಉದ್ಯೋಗ ಸಿರಿಯಲ್ಲಿ ವಿವಿಧ ನೂರು ಪ್ರತಿಷ್ಠಿತ ಸಂಸ್ಥೆಗಳು ಭಾಗವಹಿಸಲಿವೆ. ಈಗಾಗಲೇ ಈ ಸಂಸ್ಥೆಗಳೊಂದಿಗೆ ಮಾತುಕತೆ ನಡೆಸಲಾಗಿದ್ದು ಉತ್ತಮ ಸ್ಪಂದನೆ ಲಭ್ಯವಾಗಿದೆ. ಸಹಸ್ರಾರು ಉದ್ಯೋಗಾಕಾಂಕ್ಷಿಗಳಿಗೆ ಈ ಉದ್ಯೋಗ ಸಿರಿಯ ಮೂಲಕ ಉದ್ಯೋಗ ಪ್ರಾಪ್ತವಾಗಲಿದೆ. ಕನ್ನಡ ಕಲಿತ ವಿದ್ಯಾರ್ಥಿಗಳಿಗೇ ಈ ಉದ್ಯೋಗಮೇಳ ಸೀಮಿತವಾಗಿರಲಿದೆ. ಆಯ್ಕೆ ಪ್ರಕ್ರಿಯೆಯಲ್ಲೂ ಹತ್ತನೇ ತರಗತಿಯ ತನಕ ಕನ್ನಡ ಮಾಧ್ಯಮ ಶಾಲೆಯಲ್ಲಿ ಕಲಿತವರನ್ನು ಆದ್ಯತೆಯ ನೆಲೆಯಲ್ಲಿ ಆಯ್ಕೆ ಮಾಡುವ ಭರವಸೆಯನ್ನು ಸಂಸ್ಥೆಗಳು ನೀಡಿವೆಯಂತೆ. ಕನ್ನಡ ನಾಡಿನಲ್ಲಿರುವ ವಿವಿಧ ಸಂಸ್ಥೆಗಳಿಗೆ ಕನ್ನಡಿಗರ , ಕನ್ನಡ ನಾಡಿನ ಋಣ ಸಂದಾಯ ಮಾಡಲು ಇದೊಂದು ಸುವಣರ್ಾವಾಕಾಶವಾಗಿದೆ.

  • `ಉದ್ಯೋಗ ಸಿರಿ’ ಎಂಬ ಒಂದು ದಿನದ ಉದ್ಯೋಗಮೇಳ
  • ಕೆಲವೇ ದಿನಗಳಲ್ಲಿ ಉದ್ಯೋಗಾಕಾಂಕ್ಷಿಗಳ ನೋಂದಣಿ ಆರಂಭ
  • 100 ಸಂಸ್ಥೆಗಳು, ಸಹಸ್ರಾರು ಉದ್ಯೋಗಗಳು
  • ಆಳ್ವಾಸ್ ಪ್ರಗತಿ ಉದ್ಯೋಗಮೇಳದ ಮಾದರಿಯಲ್ಲೇ ಈ ಉದ್ಯೋಗಮೇಳ
  • ವರ್ಷದುದ್ದಕ್ಕೂ ಆಳ್ವಾಸ್ನಲ್ಲಿ ವಿವಿಧ ಪ್ಲೇಸ್ಮೆಂಟ್ ಕಾರ್ಯಗಳು