Headlines

ಹಂತಕರನ್ನು ಕೂಡಲೇ ಬಂಧಿಸಿ: ಸಿ.ಎಂ * ಎದೆಭಾಗಕ್ಕೆ 2;ಹಣೆಗೆ1ಗುಂಡು * ಪರ್ತಕರ್ತೆ ಗೌರಿ ಲಂಕೇಶ್ ಹತ್ಯೆ * ಎಂಟು ಮಂದಿ ಶಿಕ್ಷಕರಿಗೆ ಸನ್ಮಾನ * ಸಾಧಕರಿಗೆ ಸನ್ಮಾನ * ಶಾಲೆ ಶಾಲೆಯಲ್ಲಿ ಗೆಜ್ಜೆಯ ನಿನಾದ! * ಋಣ ತೀರಿಸುವ ಕಾರ್ಯವಾಗಲಿ: ದೇವಿಪ್ರಸಾದ್ ಶೆಟ್ಟಿ * ಸಾರ್ವಜನಿಕ ಗಣೇಶೋತ್ಸವ * ಶ್ರೀ ಸೂರ್ಯನಾರಾಯಣ ಕ್ಷೇತ್ರದಲ್ಲಿ ಗಣೇಶೋತ್ಸವ * ಗ್ರಾಮ-ಪಟ್ಟಣಕ್ಕೆ ಒಂದೇ ಗಣೇಶನಿರಲಿ-ಟಿ.ಆರ್.ಸುರೇಶ್ * 54ನೇ ವರ್ಷದ ಮೂಡಬಿದಿರೆಯ ಗಣೇಶ * ಪೆರಿಂಜೆಯಲ್ಲಿ ಸಂಭ್ರಮದ ಗಣೇಶೋತ್ಸವ * ಕಲ್ಲಬೆಟ್ಟಿನಲ್ಲಿ ಪೂಜಿಸಿದ ವಿಘ್ನವಿನಾಯಕ * ಮೂಡುಬಿದಿರೆಯಲ್ಲಿ ರಕ್ಷಾಂಬಂಧನ * ಪ್ರೊ. ಕೆ.ಇ.ರಾಧಾಕೃಷ್ಣ ಮತ್ತು ಸತ್ಯಮಂಗಲ ಆರ್ ಮಹಾದೇವ ಅವರಿಗೆ ವರ್ಧಮಾನ ಪ್ರಶಸ್ತಿ ಘೋಷಣೆನ * ಇದು ಅತ್ಯಾಧುನಿಕ `ಪಾರಂಪರಿಕ’ಮಾದರಿಯ ಶ್ಯಾವಿಗೆ ಮಣೆ! * ವಿಂಶತಿ ಯಕ್ಷಕಲೋತ್ಸವಕ್ಕೆ ತೆರೆ * ಸಿ.ಐ.ಟಿ.ಯು: 9ನೇ ಬೀಡಿ ಕಾರ್ಮಿಕರ ರಾಜ್ಯ ಸಮ್ಮೇಳನ * ಪದ್ಮಪ್ರಸಾದ್ ಜೈನ್ ನೇಮಕ * ವಿಶೇಷ ಪೂಜೆ-ಅಭಿಷೇಕ *

ಇದು ಅತ್ಯಾಧುನಿಕ `ಪಾರಂಪರಿಕ’ಮಾದರಿಯ ಶ್ಯಾವಿಗೆ ಮಣೆ!

#noodles makker

ಮತ್ತೆ ಹಳೆತನಕ್ಕೆ ಶಿಫ್ಟ್

ಹೌದು…ಮತ್ತೆ ಹಳೆತನಕ್ಕೆ ಶಿಫ್ಟ್… ವೇಗದ ಜಗತ್ತಿನಲ್ಲಿ ಫಾಸ್ಟ್ ಫೂಡ್, ಜಂಕ್ ಫೂಡ್ಗಳ ನಡುವೆಯೂ ಪಾರಂಪರಿಕ ಆಹಾರ ಕ್ರಮಗಳು ಮತ್ತೊಮ್ಮೆ ಜನಾಕರ್ಷಣೆ ಪಡೆಯುತ್ತಿವೆ. ಹಬ್ಬ ಹರಿದಿನಗಳಲ್ಲಿ, ಸಂಪ್ರದಾಯ ಉಳಿಸುವ ನಿಟ್ಟಿನಲ್ಲಿ ನಡೆಸುವ ಹಲವು ಆಚರಣೆಗಳ ಮೂಲಕ ಪಾರಂಪರಿಕ ಆಹಾರ ಕ್ರಮವನ್ನು ಆಧುನಿಕ ಜೀವನ ಶೈಲಿಯಲ್ಲಿ ನೆನಪಿಸುವ ಕಾರ್ಯ ಕಳೆದ ಕೆಲ ವರುಷಗಳಿಂದ ಸಾಗುತ್ತಿದೆ. ಹೀಗಾಗಿ ಅಟ್ಟ ಸೇರಿದ್ದ ಹಳೆಯ ಪರಿಕರಗಳು ಮತ್ತೆ ಅಡುಗೆ ಮನೆಯಲ್ಲಿ ಸ್ಥಾನ ಪಡೆದುಕೊಂಡಿರುವುದು ಸ್ಪಷ್ಟವಾಗುತ್ತಿದೆ.
ಏತನ್ಮಧ್ಯೆ ಹಳೆಯ ಮಾದರಿಯನ್ನೇ ಹೋಲುವ ಅತ್ಯಾಧುನಿಕ ರೀತಿಯ ಪೋರ್ಟೆಬಲ್ ಒತ್ತು ಶ್ಯಾವಿಗೆ ಮಣೆಯೊಂದು ಹಲವು ಆವಿಷ್ಕಾರಗಳೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ!
ಹೌದು… ಹಿಂದಿನ ಕಾಲದಲ್ಲಿ ಮರದ ಶ್ಯಾವಿಗೆ ಮಣೆಯನ್ನು ಉಪಯೋಗಿಸಲಾಗುತ್ತಿತ್ತು. ಕಾಲ ಬದಲಾದಂತೆ ಅದರ ಸ್ಥಾನವನ್ನು ಕಬ್ಬಿಣ, ಸ್ಟೀಲ್ ಆಕ್ರಮಿಸಿಕೊಂಡಿತ್ತು. ಗಾತ್ರದಲ್ಲೂ ಸಾಕಷ್ಟು ಬದಲಾವಣೆಗಳಾದವು. ಆದರೆ ಅವೆಲ್ಲವುಗಳನ್ನೆಲ್ಲಾ ಮೀರಿನಿಂತು ಇದೀಗ ಮತ್ತೆ ಹಳೆಯ ಶೈಲಿಯ ಮರದ ಒತ್ತು ಶ್ಯಾವಿಗೆ ಮಣೆ ಮಾರುಕಟ್ಟೆಯಲ್ಲಿ ಭರ್ಜರಿ ಬ್ಯಾಟಿಂಗ್ ಆರಂಭಿಸಿದೆ. ಇದು ಪುಟ್ಟ ಚೆಂದದ ಶ್ಯಾವಿಗೆ ಮಣೆ. ಮರದ ಶ್ಯಾವಿಗೆ ಮಣೆಯ ಅಡಿಭಾಗದಲ್ಲಿ ಸ್ಟೇನ್ ಲೆಸ್ ಸ್ಟೀಲ್ನ ಜರಡಿ ಅಳವಡಿಸಲಾಗಿದೆ. ಅತ್ಯಂತ ಸರಳವಾಗಿರುವ ಹಾಗೂ ಒಬ್ಬನೇ ನಿರ್ವಹಿಸುವ ಸಾಮಥ್ರ್ಯ ಹೊಂದಿದ ಈ ಮಣೆಗೆ ಇದೀಗ ಎಲ್ಲಿಲ್ಲದ ಬೇಡಿಕೆ. ಕೊಯಂಬತ್ತೂರ್ನಲ್ಲಿ ಆವಿಷ್ಕಾರಗೊಂಡ ಈ ಮಣೆ ಇದೀಗ ಮಂಗಳೂರಿನ ಮಾರುಕಟ್ಟೆಯಲ್ಲಿ ಬೇಡಿಕೆ ಪಡೆದುಕೊಳ್ಳುತ್ತಿದೆ. 1500ರುಪಾಯಿ ಮೌಲ್ಯದ ಈ ಮಣೆ ಎಲ್ಲಿಬೇಕಾದರೂ ಕೊಂಡೊಯ್ಯಬಲ್ಲದು. ಹೆಚ್ಚು ಜಾಗದ ಅವಶ್ಯಕತೆಯೂ ಇಲ್ಲದೆ ಪುಟ್ಟ ಅಡುಗೆ ಮನೆಯಲ್ಲಿ ಜಾಗ ಕಲ್ಪಿಸಿಕೊಂಡಿದೆ!